ஒரு நொடி மரணம்

நீயும் நானும் கரைந்து போக
உருவமற்ற ஒரு விளிம்பில் ஆத்மா ஊசலாட
நீ எங்கே என்றுனக்குத் தெரியுமா?
நீ யாரென்றுனக்குத் தெரியுமா?
கிசுகிசுக்கப் படும் ஒற்றை வார்த்தைகளில்
சட்டென்று அடக்கப்படும் முனகல்களில், பெருமூச்சுகளில்,
ஒன்றாய் ஏற முயற்சிக்கும் சந்தோஷ சிகரங்களில்
எப்படி விவரிப்பது இந்தச்
செயலை, தேவையை, இதன் முழுமையை?
உயிரே உயிரை ஆராதிப்பதை?
இதயம் முழுதும் நிரம்பி வழிய
மெளனமே சப்தமாய் பரவிக் கிடக்க
வியர்வை மழையில் தேகங்கள் அறுவடை ஆகும் நேரம்
கையோடு கை சேர்ந்து விரல்கள் தீ வளர்க்க
வேத மந்திரங்கள் வியர்வை நனைத்த முணுமுணுப்புகளில் இணைய
இதழ் முத்தங்களே நூற்றியெட்டுத் தோத்திரங்களாக
இதயத்துடிப்பு கோயில் மணியோசையோடு சேர்ந்திசைக்க
உடலே உடலை ஆராதிக்க,
வழிபாடு என்பது என்ன?
ஒரு நொடி மரணம்.

My translation of this poem